Categoría: Kichwa Willay

Kutishun ñan llamkaykunata Prefectura Marka kamay ukumanta paktachishpa katikushkami, ayllullakta Chambapongo-Galpón kuska ukupi, inti suyu Salcedo kitiman, Banco de Desarrollo BEDE kamay ukumanta mañachishka kullkikunawan paktachinkunami, ña 92% taktikunatami charikushka.

Santiago Sinchiguano, fiscalizador mashi, kay ñan charinmi pishka (5) kilómetros iskun patsak pishka chunka (950) metros yanapaykunata nishpami riksichirka; shinallatak, yaku larkakuna, achikkuna, tukuy llamkaykunata paktachishpa katikushkanchik nishpapash rimanpash.

Kay killakama ña 92% taktikunatami charishpa katikushka, shuk waykukunapi ishkay shayari yaku larkakunata churashpa, ashpakunata huntachishpa katikushkami, tupachishpa asfaltado hillaykunatapash sitashpa katinkapak, shinallatak achikkunatapash. 

Kay llamkaykunapi churashpa katikushkakunami shuk hunu (un millón) ishkay patsak pishka chunka waranka (250 000) kushkikunata, kay wata chawpi panchi killapak tukuchinkapakmi kankuna, ashtawanpash, riksichinkunami ashka kinkuykunatapash, antawa purichin mashikunapash rikushpalla purichun.

Julio Olmedo Velasco, El Galpón ayllullaktamanta, rimashpapash katinmi, tawka ayllukunami chaskishpapash katishun, chaymanta yupaychashpa katinchik mashi Jorge Guamán, Cotopaxi Markata pushak, wakcha mashikunapi rikushpa makichurashpa katikushkamanta nishpa kushikunkunami.

Yallishka inti puncha, Quilajaló, Salache, Barbapamba ayllukuna takikunawan, kushikuykunawan 6.750 kilómetros mushuk ñankunata chaskirkakunami; Banco de Desarrollo kamay ukumanta kushkikunata mañachishpa katishkakuna Prefectura Marka Kamay ukumanta, llamkaykunata paktachishpa katichun.

Kay yanapaykunapash Salcedo shinallatak Latacunga ayllullaktakunata tinkichishpa katinkami, shinallatak, kay ñankunata yallichishpa katinkapakpash, yaku larkakunatapash allichishpa katishkakunami, tukuypi shuk hunu yalli kushkikunata churashpa.

Mashi Jorge Guamán Coronel, ñankunata chaskichishpa, ayllullakta pushak mashikunatapash yupaychashpa katirkami, ashtawanpash, tukuykuna makichurashpa katishkamanta, chunka ayllullaktakunapak muskuykunata paktachishpa katinkapak; ña shamuk punchakunapi rikushkapash katishun, Alpamalag de Acurio, Pujilí ayllukunawanpash tinkichishpa sakinkapak nishpa rimarka.

Ayllukunapash yupaychashpa katirkakunami, yallishka watakuna ashka turu hatarishka, ashtawan wayra pachakunapipash ashpa tapashka kawsarkanchik, kunanka sumak ñan sakirishkakunata rikukushkanchik, hawalla puri usankapak nishpami kushikurkakuna.